أنا مصري بجد والله مصرى

من طرف **السفير** الإثنين نوفمبر 14, 2011 12:10 am

أنا مصري
ولو كمموا صوتي يوم واتخرست
أو زادوا العقارب فيكي واتقرصت
بحبك يام البلاد والكون
لا عمري زعلت منك ولا حتي اتقمصت
....
وأنا مصري
حبيت الطمي في نيلك
ومهما الغربة خادتني
حلمي إني آجيلك
ولو ف يوم ماقدرتش
قلبي وعمري أهديلك
....
وانا مصري ويحلالي
أقولها ف النهار والليل
وحبك مش مقياس ولا كيل
ده زرع جذوره في قلبي
وشايلك جوه عيني شيل
.....
أنا مصري
ونفسي يا مصر
أكحل عيني بترابك
ولما آجي
ما يحوشني العس علي بابك
وأحكيلك
وأشكي الهم
وأقولك أنا درويش
مضموم لزمرة أحبابك

.............
وف نيلك أغسل رجس الترحال
وغربة عمر
وهجرة ما كانت ع البال
وأبوس إيدك
ولا اسيبك

ها مصرى ولا لا